Ken
Organisashonnan No Gubernamental(NGOs), por entregá proposishon pa finansiamentu di proyekto serka Reda Sosial.
Kiko
Un proposishon pa finansiamentu mester ta kompañá pa un dossier di proyekto skibí bon kla, supstansiá mas tantu posibel ku datonan kuantitativo. Ta supliká e instansia pa den e kuadro aki hasi uso di e formulario ku por download for di e site aki. Ta trata solamente formularionan ku ta yená kompletamente.
Kiko
Por entregá e petishon pa finansiamentu pa medio di pòst, faks òf e-mail (kontakto).
Kriterio pa evaluashon
E proposishon mester ta pas mas tantu posibel den e maneho formulá (ophetivonan). Esun ku entregá e petishon mester indiká klaramente kon ta garantisá kontinuashon di e proyekto ora finansiamentu di Reda Sosial terminá na su debido tempu. E ora ei e proyekto mes lo mester mantené su mes ku otro medio.
Den tratamentu
Si e proposishonnan di proyekto ku a risibí ta kai dentro di e ophetivonan di Reda Sosial, ta registrá e proyekto realmente. E enkargado di maneho responsabel den e kuadro aki ta hasi e proyekto kla pa tratamentu, ke men, si ta nesesario ta agregá mas informashon na e dossier di proyekto.
Desishon
Ora e proyekto ta kla pa tratamentu, ta agregá un rekomendashon di e ofisina i mand’é pa direktiva, kende ta tuma e desishon final. Tin tres opshon:
- ta aprobá e proyekto. Esun ku a entrega e proyekto ta haña un karta di aprobashon.
- ta wanta e proyekto si direktiva ta haña ku nan no por forma un opinion bon fundá tokante un sierto proyekto pa motibu di falta di klaridat òf falta di informashon. E enkargado di maneho responsabel den e kuadro aki ta perkurá pa suplementashon di e dossier di proyekto.
- ta rechasá e proyekto. Esun ku a entregá e proyekto ta haña un karta di rechaso.